25-May-2022-تحریری مقابلہ. جان لیوا مرض ہے یہ عاشقی

Qasim mehmood

Add To collaction

25-May-2022-تحریری مقابلہ. جان لیوا مرض ہے یہ عاشقی

عنوان،

(جان لیوا ہے یہ عاشقی بھی)

میں نے بہت سنا ہے کہ عشق ایک ایسا مرض ہے کہ جسے لگ جائے یا وہ جان سے ہاتھ دھو بیٹھتا ہے یا وصل پا جاتا ہے

اصلی مزہ تب ہے جب ہم خود اس کو اس کے محبوب سے ملوائیں

ایسا ہی ایک واقعہ عرب کے دور کا مجھے یاد آیا کہ کیسے لوگ مہربانی کر جاتے ہیں مگر کچھ تو خدا ترس بھی نہیں ہوتے

تو قصہ کچھ یوں ہے

کہ مکہ میں ایک تاجر تھا جو غلاموں اور لونڈیوں کی تجارت کرتا تھا (جیسا کہ پہلے رواج تھا غلام بیچنے خریدنے کا)

اس کے پاس ایک خوبصورت لڑکی تھی جس کے حسن کی بڑی تعریف ہوتی تھی، یہ تاجر اس کو حج کے موسم میں سامنے لاتا تھا اور لوگ اسے دیکھ کر اس کے لیے بڑی قیمت دینے کو تیار ہو جاتے مگر یہ اس کو فروخت نہیں کرتا تھا اور بہت زیادہ قیمت مانگتا تھا اسی درمیان ایک جوان لڑکا جو عبادت گزار تھا اس نے بھی اس لڑکی کی نمائش ہوتے ہوئے ایک بار دیکھ لیا اور وہ اس کے دل میں اتر گئی۔

اب یہ اسے دیکھنے آیا کرتا اور دیکھ کر لوٹ جاتا،

پھر اس لڑکی کو پردہ کروا دیا گیا تو یہ بہت غمگین اور سخت بیمار ہو گیا اور اس کا جسم پگھلنے لگا چنانچہ یہ لوگوں سے الگ تھلگ رہنے لگا اور اس کی یہ مصیبت حج کے موسم تک چلتی یعنی سال بھر اس حال میں رہتا پھر اسے نمائش والے دنوں میں دیکھ کہ تھوڑا سکون پاتا۔

یہ جوان اسی طرح کافی دبلا پتلا ہوگیا اور پگھلتا رہا تو اس سے حضرت موسیٰ مکی رحمہ اللہ تعالیٰ نے وجہ پوچھی تو اس نے پہلے منع کیا پھر بتا دیا تو آپ نے اس پے ترس کھایا کہ یہ بیچارا کتنی بڑی مصیبت میں پھنس کر کس حالت کو پہنچ گیا ہے تو میں اس لڑکی کے مالک کے پاس گیا اور اس سے بات چیت کرتا رہا یہاں تک کہ اس نوجوان کی تکلیف کا اظہار کر دیا اور اب جو اس کی حالت تھی وہ بھی بتائی اور وہ اس وقت موت کی حالت کو پہنچ چکا تھا۔

اس تاجر نے کہا کہ میرے ساتھ چلیں تاکہ میں اسے دیکھ سکوں پھر ہم دونوں اس کے پاس آئے،

جب تاجر نے اس کی حالت دیکھی تو رہا نہ گیا اور پھر حکم دیا کہ لڑکی کو سنگھار کے ساتھ تیار کیا جائے پھر وہ اسے بازار میں لے گیا اور کہا اے لوگوں! گواہ ہو جاؤ میں نے یہ لونڈی اس نوجوان کو ہدیہ میں دیا اس کے عوض جو اللہ تعالیٰ کے پاس ہے،

پھر اس نوجوان سے کہا کہ اسے میری طرف سے ہدیہ قبول کرو اور ساتھ میں اس نے جو زیور وغیرہ پہنے ہیں وہ سب بھی۔

لوگوں نے کہا کہ تمہیں اتنا زیادہ مال پیش کیا جا رہا تھا اس لڑکی کے لیے اور تم نے اسے ایسے ہی ہدیہ کر دی!

اس تاجر نے کہا کہ اس نوجوان (جس کی موت کا اندیشہ تھا) کو یہ لڑکی دے کر میں نے (اس کی جان) بچا کے تمام روئے زمین کے لوگوں کو زندگی دی ہے کیونکہ اللہ تعالیٰ فرماتا ہے:

ومن احیاھا فکانما احیاالناس جمیعا

(المائدۃ:32)

جس نے کسی ایک نفس کی زندگی بچائی اس نے تمام انسانوں کی زندگی بچائی۔

(ذم الھوی لابن جوزی رحمہ اللہ تعالی،

ملخصا)

آپ چاہے جس طرح ان معاملات کو دیکھتے ہوں پر یہ بات سچ ہے کہ جب کوئی دل کے ہاتھوں مجبور ہوتا ہے تو پھر سمجھنے سمجھانے والی باتیں بہت کم رہ جاتی ہیں،

ایسے میں ہمارے اکابرین نے ایسے غم کے ماروں پہ ترس کھا کر اُنھیں زندگی دینے کی کوشش کی ہے لہٰذا آج بھی ضرورت ہے کہ ایسے معاملات میں حالات کے ماروں پر رحم کرے تاکہ کسی کی جان پر نہ بن آئے۔

ایک شاعر نے اپنی تڑپ کچھ یوں بھی کہہ دی جسے کوئی اس کے محبوب سے ملوا نہ سکا

حرف تسلی تو ــــــــــ اک تکلف ہے ورنہ

*جس کا درد اسی کا درد‘ باقی سب تماشائی؛

خدارا محبت کرنے والوں کو جدائی کے مشورے نہ دیا کرو

انہیں عشق کی آغوش میں چھپا رہنے دو

بقلم،،، قاسِم مَحمُود

Profile	Name	View
	Niraj Pandey	View
	Arshi khan	View
	Inayat	View
	Ali Ahmad	View
	Pamela	View
	Pallavi	View
	Alfia alima	View
	Waseem khan	View
	Mamta choudhary	View
	Arshik	View
	Anuradha	View
	Muskan Malik	View
	Shnaya	View
	Reyaan	View
	Gunjan Kamal	View
	Faraz Faizi	View
	Simran Bhagat	View
	Tabassum	View
	asma saba khwaj	View
	Tariq Azeem Tanha	View
	Mchoudhary	View
	Raziya bano	View